14.5.18

Libros electrónicos. Programa E-LBE.2

Xa no curso 2012-13, a Consellería concedeunos formar parte deste programa para a inclusión da lectura en soporte dixital nas bibliotecas Escolares.
Este curso ponse en marcha a fase 2 e, de novo, aí estamos xunto con outros 49 centros de toda Galicia.
A Consellería dotounos dunha partida económica para dar continuidade á primeira fase ELBE e poder así contar cun novo recurso que amplía os fondos da biblioteca cunha primeira selección de recursos en formato dixital.
Trátase do proxecto ELBE.2 e que estamos a poñer en marcha nestes días. O profesorado e alumnado de 3º, 4º, 5º e 6º curso recibirán unha formación de usuarios para coñecer esta plataforma e como poder descargala.
Contamos cun total de 8 soportes que poñeremos á disposición dos escolares de 3º a 6º, a razón de 2 por aula. Se algún escolar conta co seu propio lector tamén poderá traelo e descargar as lecturas que considere oportunas. Sabendo que, cada exemplar descargado estará activo durante 21 días e despois desactivaráse. Na seguinte presentación, feita polos compañeiros do CEIP de Celeiro atopamos máis información.

30.4.18

Venres robótico

O venres estreamos un novo material do Leolab, un xogo de construcción de pezas con tornillos moi intuitivo, e aprendemos a facer códigos Qr, neste caso, para utilizar nos muráis do mar do corredor.


Estes códigos Qr nos levan a ver vídeos dos animais mariños reais no seu hábitat!!!




 
 
 

25.4.18

Venres robóticos

O último venres robótico fixemos dúas actividades, por un lado os máis maiores explicaron ós máis pequenos como facer circuítos eléctricos para prender luces leds utilizando plastilina conductiva, e por outro aprendemos a tocar o piano con vasos de auga utilizando o makey makey!!!!!






24.4.18

Radio escolar: Radio Balea.2º

No 2º trimestre estreamos Radio Balea con gran éxito, voltaremos ao longo deste último trimestre!